Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5613 schœner juncvrouwen zwô:
        den bevalch er in dô,
        daz sî im sîne wunden
        salbeten und bunden.
        ouch wonte in ir gemüete
5618 ze schœner kunst diu güete
        daz sî in schier ernerten
        unde sînen geverten.
        hie twelter vierzehen naht,
        unz daz er sînes lîbes maht
5623 wol widere gewan,
        ê daz er schiede von dan.
         Do begunde der tôt in den tagen
        einen grâven beclagen
        und mit gewalte twingen
5628 ze nôtigen dingen,
        den von dem Swarzen dorne.
        des was er der verlorne:
        wand er muos im ze suone geben
        sînen gesunt und sîn leben,
5633 der dannoch lebendige hie
[ zurück ]